Biełaruskim paralimpijcam zabaraniŭ nieści ściah Rasii na adkryćci Hulniaŭ Mižnarodny paralimpijski kamitet
Paralimpijskaj zbornaj Biełarusi admovili ŭ pravie nieści ściah Rasii na cyrymonii adkryćcia. Pra heta radyjostancyi «Havoryć Maskva» paviedamili ŭ pres-słužbie Mižnarodnaha paralimpijskaha kamiteta, adznačaje lenta.ru
«Rasija nie maje prava vystupać na Paralimpijskich hulniach ŭ 2016 hodzie ŭ Rya, tamu nichto nie budzie nieści rasijski ściah na cyrymonii adkryćcia. Kali biełaruskija spartsmieny paniasuć rasijskija ściahi padčas cyrymonii adkryćcia, to heta budzie razhladacca jak palityčny pratest», - adznačyli ŭ MPK.
U kamitecie dadali, što ŭ takim vypadku «u dačynieńni da adpaviednych spartsmienaŭ i / abo nacyjanalnaha paralimpijskaha kamiteta buduć pryniatyja peŭnyja zachady».
Raniej paviedamlałasia, što biełaruskija paralimpijcy vykazali poŭnuju padtrymku rasijskim kaleham u suviazi ź ich źniaćciem z Hulniaŭ u Rya-de-Žaniejra.
Praŭda, paźniej staršynia Paralimpijskaha kamiteta Biełarusi Aleh Šepiel zajaviŭ, što jaho słovy niapravilna interpretavali.
«Što tyčycca rasijskaha ściaha, što maje papiarednija słovy nie tak zrazumieli abo interpretavali, — skazaŭ Aleh Šepiel «Kamsamołcy». — Nie treba błytać sport z palitykaj. Aficyjnaja delehacyja, jakaja vyjdzie na stadyjon «Marakana», budzie nieści dziaržaŭny ściah Biełarusi. I nijaki inšy. Što tyčycca aficyjnych asob, u tym liku mianie, to paćviardžaju, što ja sapraŭdy ŭ łožy dla haściej budu trymać nie tolki ściah Biełarusi, ale i Rasii. U nas šmat ahulnaha…».
