Nazarbajeŭ zajaviŭ pra hatoŭnaść Parašenki da kampramisaŭ nakont Danbasa
Prezident Ukrainy Piatro Parašenka hatovy iści na kampramisy ŭ situacyi z Danbasam. Pra heta prezident Kazachstana Nursułtan Nazarbajeŭ zajaviŭ na sustrečy z prezidentam Rasii Uładzimiram Pucinym u Sočy.
Pa słovach Nazarbajeva, Parašenka patłumačyŭ jamu ŭ telefonnaj razmovie, što pryniać zakon ab śpiecyjalnym statusie rehijona nie dazvalaje adsutnaść bolšaści va ŭkrainskim parłamiencie.
«Niadaŭna Parašenka mnie telefanavaŭ [i kazaŭ], što pryniać status Danbasa i druhoha rehijona, jaki tam jość, nie dazvalaje [adsutnaść] u jaho bolšaści ŭ Radzie. Treba vyrašyć pa inšych pytańniach. Heta značyć taksama, ja dumaju, [jon] schilny znachodzić kampramisy, ale čamuści nie znachodziacca», - skazaŭ Nazarbajeŭ.
Jon padkreśliŭ, što «ŭsie hetyja pytańni, viadoma, dajuć vam nahruzku dla Rasii, ale jany ŭsio vyrašajucca».
***
Zakonaprajekt ab uniasieńni ŭ Kanstytucyju źmianieńniaŭ pa decentralizacyi Ukrainy — adzin z klučavych punktaŭ minskich pahadnieńniaŭ. Jon byŭ pryniaty Viarchoŭnaj Radaj u pieršym čytańni jašče ŭ 2015 hodzie.
Źmianieńni ŭ častcy decentralizacyi praduhledžvajuć trochuzroŭnievuju sistemu miascovaha samakiravańnia, jakaja praduhledžvaje, što sistema administracyjna-terytaryjalnaha ŭładkavańnia Ukrainy budzie składacca z rehijonaŭ, rajonaŭ i abščyn, pry hetym apošnim prapanujecca pieradać vialikija paŭnamoctvy i finansavyja resursy.
Pradstaŭnikom dziaržavy (prefiektam) na miescach pavinna być asoba, jakaja pryznačajecca i zvalniajecca prezidentam pa pradstaŭleńni ŭrada.
Akramia taho, u ramkach hetaj reformy miarkujecca nadać asobnym rajonam Danieckaj i Łuhanskaj abłaściej Ukrainy asablivy status.