Łukašenka: Kali ŭrad nie razumieje miascovyja orhany ŭłady, značyć, budzie novy ŭrad
Hubiernatary pavinny žorstka stavić pytańni va ŭradzie pa prablemnych situacyjach. Pra heta Alaksandr Łukašenka zajaviŭ siońnia na naradzie pa sacyjalna-ekanamičnym raźvićci Hrodzienskaj vobłaści, pieradaje BiełTA.
Fota president.gov.by
Staršynia Kamiteta dziaržkantrolu Leanid Anfimaŭ dałažyŭ kiraŭniku dziaržavy, što mnohija pytańni ŭ rehijonach nie vyrašajucca praz toje, što miascovyja orhany ŭłady nie davodziać najaŭnaść prablemnych situacyj da ŭrada krainy. Toj ŭ svaju čarhu zastajecca niedaśviedčanym i nie moža vyrašyć prablemy.
«Jość takija pytańni, jakija treba vyrašać na ŭzroŭni ministerstvaŭ i ŭrada, — skazaŭ Alaksandr Łukašenka. — Ja viedaju hetuju prablemu, jana jość: hubiernatary nie pastavili žorstka pytańni va ŭradzie, ale va ŭradzie i rady, što pierad imi žorstka nie pastavili pytańnie».
Łukašenka padkreśliŭ: «Za heta budzie adpaviednaje spahnańnie. Kali hubiernatar nie viadzie dyjałoh z uradam, značyć, budzie novy hubiernatar. Kali ŭrad nie razumieje miascovyja orhany ŭłady, značyć, budzie novy ŭrad».
