Pucin: Ukraina pierajšła da teroru
Prezident RF Uładzimir Pucin zajaviŭ, što kiraŭniki Ukrainy «pierajšli da praktyki teroru». Takim čynam jon prakamientavaŭ paviedamleńnie FSB, jakaja abvinavaciła ŭkrainskuju raźviedku ŭ padrychtoŭcy teraktu ŭ Krymie.
Reuters.com
Na dumku Pucina, Ukraina sprabuje spravakavać kanflikt, kab adciahnuć uvahu naroda «ad harotnaha stanovišča ekanomiki Ukrainy, ad harotnaha stanovišča značnaj kolkaści hramadzian krainy».
Pucin zhadaŭ zamach na lidara ŁNR Ihara Płatnickaha i adznačyŭ, što ŭ vyniku bajavych dziejańniaŭ u Krymie zahinuli dvoje rasijan. «My, biezumoŭna, mima takich rečaŭ prachodzić nie budziem», - paabiacaŭ prezident Rasii.
***
10 žniŭnia FSB zajaviła ab praduchileńni teraktu ŭ Krymie, jaki nibyta rychtavała ŭkrainskaja raźviedka. Pa śćviardžeńni rasijskaj śpiecsłužby, u noč na 7 žniŭnia kala horada Armianska byli vyjaŭlenyja dyviersanty, u chodzie boju ź imi zahinuŭ supracoŭnik FSB. U noč na 8 žniŭnia, pa dadzienych FSB, byli zrobleny novyja sproby praryvu na terytoryju Kryma, jakija supravadžalisia masiravanym abstrełam. Zahinuŭ vajskoviec ministerstva abarony RF.
FSB paviedamiła ab zatrymańni adnaho ź mierkavanych dyviersantaŭ, jaki nibyta daje pryznalnyja pakazańni.
