Znajšli biazbolny srodak suprać kamianioŭ u nyrkach
Amierykanskija daśledčyki z univiersiteta ŭ Chjustanie vyśvietlili, što naturalny raślinny ekstrakt zdolny rastvaryć aksałat kalcyja — kampanient kamianioŭ u nyrkach čałavieka.
Fota lechenie-simptomy.ru.
Pra svajo adkryćcio navukoŭcy raspaviali ŭ artykule, apublikavanym u časopisie Nature.
Chimiki vyznačyli, što złučeńnie, zvanaje hidraksicytratam, źjaŭlajecca efiektyŭnym inhibitaram rostu kryštalaŭ aksałatu kalcyja i pry peŭnych umovach moža rastvaryć ich. Zvyčajna ludziam, schilnym da mačakamiennaj chvaroby, rekamiendujuć prymać cytrat u formie bijadabaŭki, adnak u niekatorych pacyjentaŭ uźnikajuć surjoznyja pabočnyja efiekty. Daśledčyki z dapamohaj atamna-siłavoj mikraskapii vyvučyli ŭzajemadziejańnie pamiž kryštalami jak cytratu, tak i hidraksicytratu i aksałatu kalcyja.
Navukoŭcy źviarnulisia da teoryi funkcyjanału ščylnaści — mietadu raźliku elektronnaj struktury sistem, jakija składajucca z mnohich čaścic. Ź jaho dapamohaj jany vyznačyli, jak hidraksicytrat uździejničaje na kalcyj. Akazałasia, što jon farmuje mocnuju suviaź z kryštaličnymi pavierchniami i vyklikaje vyzvaleńnie atamaŭ kalcyja, što pryvodzić da rastvareńnia kryštala.
Daśledčyki praviali ekśpierymienty na siami pacyjentach, jakija prymali bijadabaŭki na praciahu troch dzion. Vyniki pakazali, što hidraksicytrat lohka vyvodzicca z mačoj, što źjaŭlajecca ŭmovaj dziejsnaj raboty preparata. Adnak chimiki padkreślivajuć, što dla stvareńnia paŭnavartasnaha lekavaha kompleksu nieabchodnyja dadatkovyja vyprabavańni na biaśpieku, nieabchodnuju daziroŭku i efiektyŭnaść.