«Burhier Kinh» paprasiŭ prabačeńnia ŭ Šnurava i admoviŭsia ad pozvy ŭ sud
Sietka restaranaŭ chutkaha charčavańnia «Burhier Kinh» vyrašyła admovicca ad pozvy da śpievaka Siarhieja Šnurava (Šnura) i pryniesła jamu prabačeńni.
Fota v.img.com.ua.
Pra paviedamlajuć RIA Novosti sa spasyłkaj na kampaniju.
Adznačajecca, što takoje rašeńnie pryniaŭ hiendyrektar «Burhier Kinha» Źmicier Miadovy.
«Ad imia majoj kampanii chaču prynieści prabačeńni Šnuru. Viadoma, my budziem tolki rady, kali Siarhiej budzie pisać śmiešnyja vieršy pra nas i nadalej, niachaj navat z narodnaj movaj», — adznačyŭ jon.
5 žniŭnia ŭ sietcy restaranaŭ zajavili pra namier padać u sud na Šnura praź jaho vykazvańni, jakija «ŭvodziać u zman spažyŭcoŭ i nanosiać škodu brendu». Havorka idzie pra post muzykanta ŭ Instagram ad 1 žniŭnia, u jakim utrymlivajecca zhadka «Burhier Kinha» i niecenzurnaja leksika. Suma pozvy składała 200 tysiač rubloŭ.
Šnuraŭ nazvaŭ iskavuju zajavu pośpiecham, a taksama skłaŭ i apublikavaŭ u sacsietcy novy vieršyk, pryśviečany «Burhier Kinhu».