Minčukam prapanavali «łavić» piernikavych pakiemonaŭ na aŭtazapraŭkach
Zbirać kalekcyi ź piernikavych pakiemonaŭ prapanavała svaim klijentam biełaruskaja sietka AZS A-100. Jany pradajucca na piaci aŭtazapraŭkach kampanii.
«Łavić pakiemonaŭ siońnia — samy papularny suśvietny trend. My vyrašyli spałučyć pryjemnaje z karysnym i prapanavali svaim klijentam zbirać nie virtualnych istot, a smačnyja pierniki ŭ ich vyhladzie. Admysłova dla nas kandytarskaja Cakes.by vypusciła abmiežavanuju partyju piernikaŭ, u jakuju ŭvajšli dzieviać vidaŭ redkich pakiemonaŭ. Zaraz jany pradajucca na piaci našych AZS u Minsku i najbližejšych pryharadach — pa dva na kožnaj aŭtazapraŭcy», — paviedamiła načalnik adździeła markietynhu AZS A-100 Maryna Ivanoŭskaja.
Pa umovach hulni, klijenty pavinny sabrać kalekcyi z pakiemonaŭ i vykłasci ich fota ŭ Facebook, Ukantakcie, Twitter abo Instagram s chešteham #A100pokemonGo. Toj, chto źbiare troch pakiemonaŭ (kamplekt «Zahonščyk»), atrymaje chot-doh, za šeść (kamplekt «Łaviec») — myjniu autamabila, za ŭsich dzieviać pakiemonaŭ (kamplekt «Palaŭničy») — 10 litraŭ paliva. Pry hetym pryzy praduhledžany tolki dla ŭdzielnikaŭ prahrammy ŭdziačnasci«Dziakuj» i zaličvajucca na admysłovuju birulku.
Jak adznačyła Maryna Ivanoŭskaja, adrasy zapravak, na jakich možna nabyć pierniki, nie vydajucca. «Heta ž hulnia, u jakoj samaje cikavaje — dajsci da pieramohi samastojna. Prosta prajechać pa viadomych adrasach i nabyć pierniki — heta nudna i niecikava», - ličyć jana.
AZS A-100 — adzinaja ŭ Biełarusi pryvatnaja sietka aŭtazapravak. Na siońniašni dzień u jaje ŭvachodzić 35 AZS u Breście, Mahilevie, Viciebsku, Maładziečnie, Minsku i Minskim rajonie.
Sietka aktyŭna razvivaje dadatkovyja servisy na AZS, a taksama prapahanduje nacyjanalnuju kulturu i vykarystoŭvaje biełaruskuju movu.
