Vałožynski Ateła skraŭ i spaliŭ aŭto svajoj Dezdemony FOTAFAKT
U Vałožynskim rajonie małady čałaviek skraŭ aŭtamabil svajoj kachanaj i spaliŭ jaho.
Fota uvd-mo.gov.by.
Pierad hetym jon pasvaryŭsia ź dziaŭčynaj. Uładalnica lehkavika źviarnułasia z zajavaj u milicyju, raspaviała pra skandał i pra skradzieny aŭtamabil. Jana bajałasia, kab chłopiec nie narabiŭ biady.
Jak infarmuje pres-słužba UUS Minskaha abłvykankama, pošuk lehkavika vyniku nie prynios. Ranicaj małady čałaviek pryjechaŭ da doma, patelefanavaŭ kachanaj i paabiacaŭ spalić siabie razam z mašynaj. Nieŭzabavie jon vykanaŭ abiacanaje i pajechaŭ na aŭtamabili, jaki pačało achoplivać połymia. Milicyja znajšła zhareły lehkavik za vioskaj, u sałonie nikoha nie było — małady čałaviek spałochaŭsia i ŭciok.
U adnosinach padpalščyka raspačali kryminalnuju spravu, jamu pahražaje da 5 hadoŭ pazbaŭleńnia voli.
