«Trojka» MAK adbiare rasijskich spartsmienaŭ dla Alimpijady
Śpiecyjalnaja kamisija, jakaja składajecca z troch členaŭ MAK, abiare da 5 žniŭnia, jakich rasijskich spartoŭcaŭ dapuskać da ŭdziełu ŭ Alimpijskich Hulniaŭ u Rya-de-Žaniejra.
Tomas Bach znajšoŭ kampramisny varyjant, AP
Jak paviedamiŭ pres-sakratar Mižnarodnaha alimpijskaha kamiteta Mark Adams, u skład «trojki» uvojduć prezident Mižnarodnaj fiederacyi stralby z łuka Uhur Erdenier, pradstaŭnik atletyčnaj kamisii Kłaŭdyja Bokiel i eks-prezident MAK Chuan Antonia Samaranč.
«Jany i prymuć finalnaje rašeńnie», — dadaŭ Adams.
Dopinhavy skandał z udziełam rasijskaj alimpijskaj zbornaj praciahvajecca ŭžo niekalki tydniaŭ.
Suśvietnaje antydopinhavaje ahienctva WADA zaklikała vykankam MAK adchilić rasijskich spartoŭcaŭ całkam, ale 24 lipienia kamitet pryniaŭ kampramisnaje rašeńnie.
Zhodna z hetaj rezalucyi, rasijanie, jakija raniej mieli prablemy z dopinham, u lubym vypadku nie buduć dapuščanyja da ŭdziełu ŭ Alimpijadzie, adnak spartyŭnym fiederacyjam dali prava vyznačać, chto ŭsio ž taki zmoža vystupić u Rya. Takim čynam, dla 250 rasijskich atletaŭ adkryłasia mahčymaść pajechać na Hulni.
Alimpijskija hulni startujuć užo ŭ nastupnuju piatnicu.
