Zdaroŭ, Rya! U numarach biełarusaŭ niama haračaj vady, chałodnaja padajecca ź pierabojami, nie pracuje kanalizacyja
Niahledziačy na toje, što aficyjna Alimpijskaja vioska ŭ Rya ŭžo adkryłasia, arhkamitetu ŭ Rya treba budzie zrabić jašče niamała dla taho, kab umovy dla pražyvańnia adpaviadali ŭsim sanitarnym patrabavańniam.
Jak infarmuje aficyjny sajt NAK, pa paviedamleńniach pradstaŭnikoŭ biełaruskaj delehacyi, jakija ŭžo pryjechali ŭ Rya, pa-raniejšamu ŭ apartamientach adsutničaje haračaja vada, chałodnaja padajecca ź pierabojami, nie pracuje sistema kanalizacyi, patrabujuć uborki padłohi, vokny i leśvičnyja praloty.
Zaraz supracoŭniki NAK pryvodziać u paradak apartamienty biełaruskaj delehacyi. Pradstaŭnikami miedycynskaj hrupy ŭžo praktyčna abstalavany centr akazańnia dapamohi spartsmienam, dzie buduć padčas Alimpijady pracavać našy profilnyja śpiecyjalisty. Mieniedžary NAK ukamplektoŭvajuć pamiaškańni štaba.
Biełaruski padjezd u Alimpijskaj vioscy.
Vid z akna pakoja.
Sistema źlivu ŭ dušach nie pracuje — na padłozie vada.
Łožak biełaruskaha alimpijca.
Štodnia terytoryja Alimpijskaj vioski apracoŭvajecca ad niebiaśpiečnych kamaroŭ.