Ułady Mahilova nie padtrymali inicyjatyvu hramadskaści pa stvareńni bataničnaha sadu ŭ rajonie Padmikolla FOTA
Ułady Mahilova nie pahadzilisia stvaryć bataničny sad ŭ rajonie Padmikolla.
U 2014 hodzie mahiloŭskija ŭłady vyrašyli stvaryć u Padmikolli park adpačynku, raspačali raboty pa dobraŭparadkavańni terytoryi. Adnak mnohija žyhary Mahilova vystupili suprać źjaŭleńnia ŭ hetym miescy — pamiž Śviata-Mikolskim manastyrom i Pakroŭskaj carkvoj — zony zabaŭ.
Była stvorana sustrečnaja inicyjatyva — zrabić u Padmikolli bataničny sad. Zbor podpisaŭ za jaje realizacyju prachodziŭ u roznych formach — jak tradycyjna, tak i na roznych internet-płatformach.
Ideja znajšła padtrymku i ŭ Nacyjanalnaj akademii navuk, dzie pryznali, što sietka bataničnych sadoŭ u Biełarusi raźvita niedastatkova i značna sastupaje zachodniejeŭrapiejskim dziaržavam, Rasii i Ukrainie.
Ułady Mahilova ŭ svaju čarhu zajaŭlajuć, što raźmiaščeńnie bataničnaha sada ŭ Padmikolli razychodzicca z hienieralnym płanam Mahilova, zaćvierdžanym ukazam prezidenta 28 lipienia 2003 hoda.
Miž tym, harvykankam maje prava inicyjavać źmieny hienpłana. «Tamu infarmacyjnaja kampanija ŭ padtrymku stvareńnia pryrodnaj słavutaści budzie pradoŭžana», — paviedamiŭ adzin ź inicyjataraŭ stvareńnia bataničnaha sadu ŭ Mahilovie Leanid Płatonienka.
