Fatohraf Siarhiej Hudzilin vypuściŭ limitavany nakład paštovak pra Minsk VIDEA
Fatohraf «Našaj Nivy» Siarhiej Hudzilin admysłova dla svajoj pieršaj piersanalnaj vystavy vypuściŭ abmiežavany nakład paštovak pra vulicy Minska.
Niekatoryja sa zdymkaŭ čytačy «NN» mahli bačyć u tematyčnych padborkach «Duch minskich vulic».
Nakład paštovak zusim nievialiki — 150 kamplektaŭ. Adzin kamplekt, zapakavany ŭ kapertu z kraft-papiery, utrymlivaje 10 paštovak.
Nakład nie pryznačany dla prodažu i raspaŭsiudžvajecca pa pieradzamovie na kraŭdfandynhavaj placoŭcy Tałaka. Staronka admysłova stvorana dla zboru srodkaŭ na pieršuju piersanalnuju vystavu Hudzilina.
Kožny kamplekt paštovak aŭtar ułasnaručna numaruje i padpisvaje. Heta moža być niezvyčajnym padarunkam dla zamiežnikaŭ, chipstaraŭ-urbanistaŭ ci prosta amataraŭ stryt-fatahrafii.
Darečy, adzin z kamplektaŭ paštovak aŭtar razyhryvaje ŭ svaim fejsbuku. Dyzajnier paštovak — Ihar Juchnievič. Vypuściła drukarnia «Danaryt» u Minsku.