Teraryst ź Nicy dvojčy pryjazdžaŭ na pramienad na svaim hruzaviku
Taksama za niekalki dzion da teraktu jon kantrabandaj adpraviŭ siamji ŭ Tunis kala 110 tysiač dalaraŭ.
Teraryst ź Nicy dvojčy pryjazdžaŭ na pramienad na arandavanym hruzaviku da teraktu, pryčym apošni raz - za paru dzion da Dnia ŭziaćcia Bastylii, paviedamlaje Sky News.
Brytanski tabłoid Daily Mail paviedamiŭ, što za niekalki dzion da teraktu jon kantrabandaj adpraviŭ siamji ŭ Tunis kala 110 tysiač dalaraŭ.
U subotu «Isłamskaja dziaržava» ŭziało na siabie adkaznaść za terakt, jaki zabraŭ žyćci 84 čałaviek. Adnak jasnaści nakont relihijnych pohladaŭ Machamieda Łaueža Bulela niama.
Napiaredadni kiraŭnik MUS Francyi zajaŭlaŭ, što toj radykalizavaŭsia «vielmi chutka» — i ŭ hetym była adna z pryčyn, čamu śpiecsłužbam nie ŭdałosia praduchilić trahiedyju.
Svajaki Bulela u intervju Daily Mail zajaŭlali, što toj nie byŭ relihijny, piŭ i navat užyvaŭ narkotyki.
Ab pierasyłcy hrošaj u Tunis raspavioŭ brat terarysta Džabier Bulel: pa jaho słovach, Machamied adpraviŭ usio, što zarabiŭ za čas žyćcia ŭ Francyi. «Jon rehularna dasyłaŭ nam nievialikija sumy hrošaj, jak i bolšaść tuniscaŭ, jakija pracujuć za miažoj. Machamied adpraviŭ nam usie svaje źbieražeńni, usio, što jon zarabiŭ u Francyi. Jon pracavaŭ vosiem hadoŭ, i heta ŭsie hrošy, jakija jamu ŭdałosia nazapasić u Francyi», — raspavioŭ brat terarysta.
Terakt u Nicy adbyŭsia ŭviečary 14 lipienia, u Dzień ŭziaćcia Bastylii. Kiroŭca hruzavika prataraniŭ natoŭp, jaki sabraŭsia na Anhielskaj nabiarežnaj pahladzieć śviatočny fiejervierk. Hruzavik dušyŭ ludziej na praciahu amal dvuch kiłamietraŭ, akramia taho, kiroŭca pačaŭ stralać pa ludziach. Zahinuli 84 čałavieki, kala 200 paciarpieli. Terarysta likvidavali palicyjanty. Jaho asoba vyśvietlenaja - heta žychar Nicy tuniskaha pachodžańnia Machamied Łauež Bulel.
