Prezident Čechii zaklikaŭ pravieści refierendum ab členstvie ŭ ES i NATA
Prezident Čechii Miłaš Zieman zaklikaŭ pravieści refierendum pa pytańni ab členstvie krainy ŭ Jeŭrapiejskim sajuzie i NATA — śledam za hałasavańniem u Vialikabrytanii, pa vynikach jakoha Złučanaje Karaleŭstva vyrašyła vyjści ź ES.
Prezident Čechii maje pieravažna simvaličnyja paŭnamoctvy. Jon nie maje prava pryznačać refierendum, kali jaho vyniki mohuć pryvieści da źmienaŭ u kanstytucyi.
Adnak Miłaš Zieman karystajecca ŭ Čechii davoli vialikim palityčnym upłyvam, a mnohija vybarščyki skieptyčna nastrojeny ŭ adnosinach da Jeŭrasajuza, u jaki kraina ŭstupiła ŭ 2004 hodzie.
Zieman zajaviŭ, što sam jon vystupaje za zachavańnie členstva Čechii ŭ abiedźviuch arhanizacyjach - i ŭ ES, i ŭ Paŭnočnaatłantyčnym aljansie.
«Ja nie zhodny z tymi, chto vystupaje za vychad ź Jeŭrapiejskaha sajuza. Ale ja budu rabić usio, kab jany atrymali mahčymaść vykazać svajo mierkavańnie na refierendumie. Toje ž samaje tyčycca i členstva ŭ NATA», - cytuje češskaha prezidenta Rejter.
