Partuhalija i Charvatyja pakazali najhoršy futboł na Jeŭra, ale pireniejcam pašancavała bolš
Za 117 chvilin kamandy ni razu nie trapili pa varotach supiernika.
18-hadovy partuhalec Renatu Sanšaš, jaki vyjšaŭ na zamienu, — adziny, chto sprabavaŭ zbałamucić futbolnaje bałota.
Čarhovy matč 1/8 finału pamiž Partuhalijaj i Charvatyjaj mierkavaŭsia jak ŭpryhožańnie hulniavoha dnia. Kožnaja z hetych zbornych mahła ŭsurjoz pretendavać na pieramohu na Jeŭra. Bukmiekiery ličyli kamandy roŭnymi pa sile, kaeficyjenty składali kala 2,8:1 na vyjhryš luboj ź ich.
Adnak niejtralnyja zaŭziatary sychodzili sa stadyjona ŭščent rasčaravanymi. Analizavać matč budzie cikava tolki dla trenieraŭ — za 90 chvilin asnoŭnaha času nivodnaja z kamand nie toje što nie zabiła hoł, a navat ni razu nie patrapiła dakładna pa varotach! Matč možna ličyć najhoršym na hetym Jeŭra. Kali b paśla hulni z turnira vylecieli i Partuhalija, i Charvatyja, zdajecca, nichto b nie rasstroiŭsia.
Adnak pakolki ničyjej być nie mahło, hledačoŭ čakali dadatkovyja 30 chvilin pakutaŭ.
Raźviazka nastupiła za try chviliny da kanca, na 117-j chvilinie. Charvaty prabili ŭ štanhu, i adrazu ž partuhalcy zmahli pravieści kontrataku. Na ŭdar vyvieli Kryšcijanu Ranałdu. Varatar charvataŭ zmoh adbić jaho streł, ale Rykardu Kvarežma zastavałasia zakałacić miač ŭ paŭpustyja varoty.
1:0 — i ŭ čverćfinał prachodzić Partuhalija. Napieradzie jaje čakaje matč z Polščaj.
