U Małdovie ŭvodziacca pramyja vybary prezidenta
U Małdovie ŭvodziacca pramyja vybary prezidenta. Zakonaprajekt ab uniasieńni papravak u Kodeks ab vybarach byŭ pryniaty 23 červienia plenumam parłamienta ŭ druhim i kančatkovym čytańni.
Zakonaprajekt byŭ raspracavany ŭ adpaviednaści z pastanovaj Kanstytucyjnaha suda ad 4 sakavika 2016 hoda, jakim byli viernuty pramyja vybary prezidenta krainy. Uniasieńnie papravak padtrymali 55 deputataŭ.
Asnoŭnyja papraŭki ŭniesienyja ŭ pałažeńni ab terminach stvareńnia vybarčych akruh i ŭčastkaŭ, naznačeńni dnia vybaraŭ, śpiecyjalnych patrabavańniach da padpisnych listoŭ dla rehistracyi kandydataŭ, u śpiecyjalnyja pałažeńni ab praviadzieńni druhoha tura vybaraŭ, a taksama praceduru paćviardžeńnia vynikaŭ vybaraŭ, adchileńnia i adstaŭki prezidenta šlacham refierendumu.
Takim čynam, prezident Respubliki Małdova budzie vybiracca na asnovie ŭsieahulnaha, roŭnaha i pramoha hałasavańnia terminam na 4 hady. Vybarčyja akruhi i akruhovyja vybarčyja saviety administracyjna-terytaryjalnych adzinak druhoha ŭzroŭniu buduć stvorany za 55 i 50 dzion da praviadzieńnia vybaraŭ adpaviedna.
Rabočaja hrupa pa raspracoŭcy papravak da Vybarčaha kodeksa była stvorana parłamientam 18 sakavika 2016 hoda. Zadačaj hrupy była raspracoŭka papravak u vyniku zabieśpiačeńnia mahčymaści prymianieńnia novych kanstytucyjnych pałažeńniaŭ ab vybrańni kiraŭnika dziaržavy pramym hałasavańniem. 14 krasavika prajekt zakona byŭ pryniaty ŭ pieršym čytańni.
