Łukašenka i pryhažuni FOTAFAKT
Alaksandr Łukašenka adkryŭ 10-y Nacyjanalny konkurs pryhažości «Mis Biełaruś 2016».
Alaksandr Łukašenka ŭ svajoj pramovie padčas adkryćcia konkursu adznačyŭ vysokuju rolu žančyny ŭ historyi Biełarusi. Jon uzhadaŭ Jeŭfrasińniu Połackuju, Ałaizu Paškievič, Anastasiju Słuckuju.
Jon adznačyŭ, što siońnia hetyja dziaŭčaty — udzielnicy konkursu — robiać kroki nie tolki ŭ svaim asabistym žyćci. «Chtości budzie rabić hetyja kroki i ŭ vialikaj palitycy, spačatku dapamahajučy, a potym, zajmajučysia, moža być, vialikaj palitykaj. Tamu što pryhažość — niepieraadolnaja. Pryhažość niemahčyma strymać ni ŭ ekanomicy, ni ŭ palitycy, ni ŭ žyćci», — cytuje BiełTA kiraŭnika dziaržavy.
U afarmleńni sceny pieravažajuć biełaruskija nacyjanalnyja matyvy. A svoj pieršy vychad kankursantki zrabili ŭ sukienkach-vyšyvankach.
Tranślacyja konkursu na TB pačniecca paśla 21-j hadziny. Sačycie za abnaŭleńniami na nn.by
