Isłandyja praciahvaje na Jeŭra sieryju biez parazaŭ
Zbornaja Isłandyja praciahvaje ničyjnaje šeście pa palach Jeŭra-2016. Matč ź Vienhryjaj skončyŭsia ź likam 1:1 — tym samym, što i ŭ papiaredniaj hulni z Partuhalijaj.
U papiarednim matčy z Partuhalijaj isłandcy byli vymušanyja hulać u zvyšabarončy futboł. Adabraŭšy miač u Kryšcijanu Ranałdu ci jaho partnioraŭ, abaroncy što jość siły vybivali jaho napierad.
Kłas vienhraŭ byŭ nie takim vysokim, tamu jakija-nijakija ataki isłandcam udavalisia. Adna ź ich na 40-j chvilinie skončyłasia pryznačeńniem davoli sprečnaha pienalci. Hilfi Sihurdsan raźvioŭ miač i znakamitaha «varatara ŭ štanach» Habora Kiraja pa roznych vuhłach varot.
Vienhryja nie zdavałasia, i za dźvie chviliny da kanca hulni zmahła adyhracca. Pryčym nahami isłandca Birkira Sievarsana, jaki zrezaŭ miač u svaje varoty.
Jak vynik — zasłužanyja 1:1, jakija pakidajuć abiedźvium kamandam šancy na vychad z hrupy.
Na dadzieny momant u Vienhryi 4 bały, u Isłandyi 2 bały, u Partuhalii 1 bał, i ŭ Aŭstryi 0 bałaŭ.
Praŭda, Partuhalija i Aŭstryja ŭviečary zhulajuć miž saboj.