U Jehipcie pažyłuju chryścijanku hołaj prahnali pa vulicach
U Jehipcie raźjušany natoŭp sarvaŭ vopratku z pažyłoj chryścijanki i prymusiŭ jaje aholenaj prabiehčy pa vulicy. Pra heta paviedamlaje Delfi sa spasyłkaj na The Independent.
Reuters
Incydent adbyŭsia ŭ vioscy Al-Karmen u pravincyi Mińja. Padstavaj dla napadu na žančynu stali čutki pra toje, što jaje syn sustrakajecca z musulmankaj. Adnaviercy dziaŭčyny ŭ kolkaści 300 čałaviek u adkaz atakavali damy miascovych chryścijan, jakija naležać da Kopckaj pravasłaŭnaj carkvy, i spalili siem ź ich. Maci mierkavanaha vinavataha raspranuli, źbili i, absypajučy abrazami, prahnali hołaj pa vulicach.
Palicyja prybyła na miesca zdareńnia tolki praź dźvie hadziny, kali natoŭp užo razyšoŭsia. Ijerarchi Kopckaj carkvy zajavili, što zahadzia daviedalisia pra płanavany napad i papiaredzili pravaachoŭnyja orhany, ale tyja nie zrabili ničoha, kab praduchilić jaho. «My jak byccam žyviom u džunhlach abo ŭ pieršabytnym hramadstvie, — havorycca ŭ zajavie. — U hetych umovach nichto nie moža nazyvać siabie sudździoj, palicyjantam abo čynoŭnikam».
