Etna-trya «Troica» atrymaje premiju «Za ŭniosak u biełaruskuju muzyku»
26 maja na cyrymonii ŭručeńnia muzyčnych uznaharod Rock Profi ŭ kłubie ili etna-trya «Troica» na čale ź Ivanam Kirčukom atrymaje premiju «Za ŭniosak u biełaruskuju muzyku». U hałasavańni brali ŭdzieł bolš za 60 biełaruskich hurtoŭ i solnych artystaŭ u stylistycy rok, indzi, alternatyva.
Hurt «Troica» byŭ zasnavany ŭ 1995 hodzie i vykonvaje biełaruskija narodnyja pieśni ŭ stylistycy etna-fjužn. Na rachunku kalektyva šeść studyjnych albomaŭ, jakija vydavalisia ŭ tym liku ŭ Niderłandach, Polščy, Rasii, Hiermanii. Hieahrafija kancertaŭ «Troicy» achoplivaje šmat krain Jeŭropy, a taksama Paŭdniova-Uschodniuju Aziju i Paŭdniovuju Amieryku. U minułyja hady premiju «Za ŭniosak u biełaruskuju muzyku» na Rock Profi atrymlivali hurty «Lapis Trubiacki» (2013), «Krama» (2014), a taksama N.R.M. u kłasičnym składzie (2015).
– Nam, biezumoŭna, pryjemna. Ja zachoŭvaju ŭsie ŭznaharody, jakija atrymlivała «Troica», tamu što heta ŭvaha ad Biełarusi i ad biełarusaŭ. Dla nas jana maje asablivuju vartaść, – kaža Ivan Kirčuk. – Cikava, što za nas prahałasavali rokiery, ale svaja łohika ŭ hetym jość. Naprykład, siarod maich ulubionych hurtoŭ jość Clawfinger i Dream Theater. I naohuł u maładyja hady na tancach z hurtom ja hraŭ pieśni Deep Purple. Ja byŭ kłavišnikam – mierkavaŭ, što budu Džonam Łordam, ale potym pačaŭ zajmacca fołk-muzykaj.
26 maja u kłubie ili nazavuć i ŭznaharodziać pieramožcaŭ u astatnich piaci naminacyjach Rock Profi: «Lepšy albom», «Lepšy zapis», «Lepšaja pieśnia», «Debiut hoda», «Artyst hoda». Lidarami pa kolkaści naminacyj (pa čatyry) u hetym hodzie źjaŭlajucca rok-hurty Brutto i Re1ikt. Siarod naminantaŭ taksama «Sieriebrianaja svad́ba», Shuma, «Daj darohu» i inšyja. Uznaharody Rock Profi pa hałasach biełaruskich muzykaŭ z 2013 hoda ładziać Pavieł Jurcevič (studyja «Osmas», kłub ili) i Źmicier Biezkaravajny (Experty.by).
Na cyrymonii ŭručeńnia ŭznaharod Rock Profi vystupiać hurty Intelligency, True Litwin Beat, Unhuman Remains, Slowner, «Siestričkin łuč». Pačatak u 19.00. Košt kvitkoŭ: 200 tys. rub. Prodaž praz apieratara Tamtam.by i ŭ kłubie. Kolkaść miescaŭ abmiežavanaja. Infalinija: (029) 629 86 98.
