Radyjo Vatykana pieradało, što cacačnaja kareta, jakuju Łukašenka padaryŭ Papu, zroblena z makarony
21 maja Alaksandr i Mikałaj Łukašenka byli pryniatyja ŭ Vatykanie Papam Franciškam. Jak paviedamlali ŭ subotu ŚMI, kiraŭniki krain — Biełarusi i Vatykana — abmianialisia padarunkami.
president.gov.by
Tak, Papa Francišak padaryŭ prezidentu Biełarusi try napisanyja im dakumienty ab Jevanhielli, achovie pryrody i siamji, a Alaksandr Łukašenka «padnios u dar pantyfiku kopiju kryža Jeŭfrasińni Połackaj, vykananuju z dapamohaj unikalnaj techniki raźby pa drevie, madel karety, zroblenuju pavodle hetaj ža technałohii, a taksama hałahrafičnuju ikonu».
Adnak anhlijskaja viersija radyjo Vatykana zaznačaje, što madel karety zroblenaja z «chatniaj pasty».
president.gov.by
Miž tym heta nasamreč raźba, technika nazyvajecca «sožskaja skań».
U svaju čarhu, Biełaruskaja redakcyja radyjo Vatykana piša: «Aprača «aficyjnych», draŭlanaj kopii kryža Jefrasińni Połackaj, madeli papskaj karety i hałahrafičnaha abraza, Alaksandr Łukašenka zrabiŭ vielmi asabisty padarunak — svaju ručku, jakoj karystaŭsia doŭhi čas. Jon pryznaŭsia, što robić taki žest upieršyniu ŭ žyćci, padkreślivajučy vyklučnaść asoby Papy».