Радыё Ватыкана перадало, што цацачная карэта, якую Лукашэнка падарыў Папу, зроблена з макароны
21 мая Аляксандр і Мікалай Лукашэнка былі прынятыя ў Ватыкане Папам Францішкам. Як паведамлялі ў суботу СМІ, кіраўнікі краін — Беларусі і Ватыкана — абмяняліся падарункамі.
president.gov.by
Так, Папа Францішак падарыў прэзідэнту Беларусі тры напісаныя ім дакументы аб Евангеллі, ахове прыроды і сям'і, а Аляксандр Лукашэнка «паднёс у дар пантыфіку копію крыжа Еўфрасінні Полацкай, выкананую з дапамогай унікальнай тэхнікі разьбы па дрэве, мадэль карэты, зробленую паводле гэтай жа тэхналогіі, а таксама галаграфічную ікону».
Аднак англійская версія радыё Ватыкана зазначае, што мадэль карэты зробленая з «хатняй пасты».
president.gov.by
Між тым гэта насамрэч разьба, тэхніка называецца «сожская скань».
У сваю чаргу, Беларуская рэдакцыя радыё Ватыкана піша: «Апрача «афіцыйных», драўлянай копіі крыжа Ефрасінні Полацкай, мадэлі папскай карэты і галаграфічнага абраза, Аляксандр Лукашэнка зрабіў вельмі асабісты падарунак — сваю ручку, якой карыстаўся доўгі час. Ён прызнаўся, што робіць такі жэст упершыню ў жыцці, падкрэсліваючы выключнасць асобы Папы».
