Baćki Džamały žyvuć u Krymie, paśla pieramohi dački ŭ ich domie — pałomnictva
Pra heta pieramožca «Jeŭrabačańnia-2016» Džamała (Susana Džamaładzinava) raspaviała ŭ intervju Bi-bi-si.
«U dom maich baćkoŭ ciapier prosta pałomnictva. Mnohija ludzi niasuć kvietki, piakuć piražki i kažuć słovy padziaki. I nie tolki krymskija tatary — heta vielmi važna».
«Maja pieśnia nie tolki pra krymskich tataraŭ. Mnie vielmi važna, što ludzi znajšli ŭ hetaj historyi siabie. My lubim muzyku, kali viedajem, što jana pra nas. Pra kachańnie, pra pakuty … I tak atrymałasia z majoj pieśniaj», — kaža śpiavačka.
«Ja siabie vielmi svabodna adčuvaju ŭ Kijevie, u ich [baćkoŭ] niama takoj svabody ciapier u Krymie. Ja vieru, što ich nichto nie budzie kryŭdzić, bo niama za što. Jany prosta maje baćki».
***
18 maja — uhodki departacyi krymskich tataraŭ, kali ŭ 1944 h. pavodle zahadu Stalina jany byli vyviezienyja z Kryma.