Instagram całkam źmianiŭ dyzajn i staŭ čorna-biełym
Instagram źmianiŭ dyzajn ikonki i stužki navin. Kamiera, jakaja była łahatypam fotaservisu, stała bolš schiematyčnaj i pamianiała koler z karyčnievaha na «viasiołkavy».
Novaje łoha Instagram.
Cam ža interfejs staŭ čorna-biełym. U novaj viersii fotaservisu siniaja panel u vierchniaj častcy ekrana i čornaja ŭ nižniaj stali prazrystymi. Źmianiŭsia i šryft. Pa słovach raspracoŭščykaŭ, takim čynam jany chočuć zasiarodzić uvahu na fota.
U svaim aficyjnym akaŭncie raspracoŭščyki zajavili:
«Natchniony značkom papiaredniaj viersii aplikacyi, novy ŭjaŭlaje saboj prostuju kamieru i viasiołku ŭ hradyjentnaj formie. Vy taksama ŭbačycie abnoŭlenyja ikonki dla inšych našych tvorčych mabilnych aplikacyj: Layout, Boomerang i Hyperlapse.
Styl staronki ŭ abnoŭlenym Instagram.
Taksama my ŭdaskanalili vyhlad Instagram znutry. Čym praściejšy dyzajn, tym bolš uvahi na vašych fota i videa.
Instagram-supolnaść raźvivałasia na praciahu apošnich piaci hadoŭ. Heta hłabalnaja supolnaść, bolš za 80 miljonaŭ fatahrafij i videa kožny dzień. Naš abnoŭleny vyhlad adlustroŭvaje toje, jaki jarki i raznastajny staŭ vaš śviet».
