Asabistuju spravu maršała Žukava rassakrecili bolš jak praz 40 hadoŭ paśla jaho śmierci
Historyki atrymali dostup da rassakrečanaj asabistaj spravy maršała SSSR Hieorhija Žukava, 9 maja piša časopis «Ohoniek».
Rašeńnie ab rassakrečvańni dakumientaŭ i pieradačy ich z Prezidenckaha archiva ŭ Rasijski dziaržaŭny archiŭ naviejšaj historyi było pryniata mižviedamasnaj kamisijaj pa achovie dziaržaŭnaj tajamnicy jašče 22 listapada 2011 hoda. Adnak praces «afarmleńnia vynikaŭ rassakrečvańnia» pačaŭsia tolki praz čatyry hady», piša ŭ časopisie historyk Leanid Maksimienkaŭ.
U liku rassakrečanych dakumientaŭ — danosy na maršała, pieralik pryvilejaŭ jaho, jaho dziaciej i ŭnukaŭ, a taksama adrasy kvater, dzie jon žyŭ. U pryvatnaści, u daśje jość paryžski danos na Žukava, pra jaki daśledčyki raniej nia viedali. U daniasieńni ad 1954 hoda na imia ministra abarony SSSR Mikałaja Bułhanina, u pryvatnaści, havaryłasia: «Maršał Žukaŭ viadzie pieramovy z zachodnimi dziaržavami praz pasiarednictva adnaho francuzskaha sakretnaha ahienta pad imiem Talmar, majučy na ŭvazie padrychtavać paŭstańnie ŭ Rasii i zachapić uładu». Aŭtar daniasieńnia, Michaił Alaksiejevič Šalin, — načalnik Hałoŭnaha raźviedvalnaha ŭpraŭleńnia Hienštaba Uzbrojenych sił SSSR.
Maksimienkaŭ adznačaje, što ŭ vypadku z Žukavym ŭsie danosy dachodzili da instancyj. A samyja «pierśpiektyŭnyja» składziravalisia ŭ kramloŭskaje daśje.
U «asabistaj spravie» zachoŭvajecca i miedycynskaje zaklučeńnie ab chvarobie i pryčynie śmierci Žukava. 42 hady hety dakumient byŭ zasakrečany, choć zvyčajna padobnyja daviedki pra histaryčnych dziejačaŭ maštabu Žukava publikavalisia razam z paviedamleńniami pra śmierć i niekrałoham, adznačaje Maksimienkaŭ.
Vierahodnaj pryčynaj zamoŭčvańnia jon ličyć bieźlič dat, jakimi zabiaśpiečyŭ tekst kansilium daktaroŭ: chvaroby maršała abvastrylisia paśla adchileńnia Chruščova, a «šyrokija infarkty mijakarda» i dva «parušeńni mazhavoha krovazvarotu» supali z publikacyjaj miemuaraŭ maršała. «Takija supadzieńni namenklatura paličyła niebiaśpiečnymi: ułada bajałasia «niezdarovych asacyjacyj» i «niapravilnych vysnovaŭ», — ličyć historyk.
