Iran admoviŭsia zamarozić zdabyču nafty
Ministr nafty Irana Bidžan Zanhanie (Bijan Namdar Zanganeh) ŭ niadzielu zajaviŭ, što Iran nie prymaje płan zamarozki ŭzroŭniu zdabyčy nafty, prapanavany Saudaŭskaj Aravijaj.
«U mianie ź ministram nafty Saudaŭskaj Aravii adbyłasia razmova, bo jany chacieli źnizić ŭzrovień vytvorčaści nafty ŭ našaj krainie da ŭzroŭniu pačatku 2016 hoda. Ja jamu skazaŭ: Vy nasamreč žartujecie!» — pryvodzić telekanał IRINN słovy Zanhanie.
Raniej na hetym tydni dyrektar Nacyjanalnaj iranskaj naftavaj kampanii Rukniedździn Džavad zajaŭlaŭ, što ŭzrovień zdabyčy nafty Irana dasiahnuŭ 3,7 młn baralaŭ za sutki. Pavodle jaho słoŭ, Iran budzie hatovy dałučycca da płanu zamarozki naftazdabyčy praz 1—2 miesiacy paśla dasiahnieńnia dasankcyjnaha ŭzroŭniu zdabyčy i ekspartu nafty.
