U Pakistanie žyvuć dva braty, jakija paśla zachodu sonca nie mohuć ni ruchacca, ni havaryć
Navukoŭcam nie ŭdajecca rastłumačyć dziŭny stan dvuch bratoŭ z Pakistana. Chłopčyki (9 i 13 hadoŭ) viaduć zvyčajnaje žyćcio dniom, ale paśla zachodu sonca nie mohuć ni ruchacca, ni havaryć, paviedamlaje CBS News.
Abduł Rašyd (9 hadoŭ) i Šaab Achmied (13 hadoŭ) u špitali. Isłamabad, 5 maja 2016. Fota AP.
Jak raspaviali ŭ Pakistanskim instytucie miedycynskich navuk, lekary pakul nie mohuć znajści pryčynu dziŭnych simptomaŭ: «Daktary pravodziać abśledavańni, kab zrazumieć, čamu dzieci zastajucca aktyŭnymi dniom, adnak nie mohuć raspluščyć vočy, nie mohuć havaryć i jeści, paśla taho jak sonca zachodzić». Navukoŭcy taksama ŭziali ŭzory hleby i pavietra ŭ vioscy, dzie žyvuć braty.
Chłopčyki naradzilisia ŭ biednaj siamji, i ŭrad finansuje miedycynskuju dapamohu. Akramia ich, u siamji jašče dvoje dziaciej, u pavodzinach jakich nijakich adchileńniaŭ nie nazirajecca.
Baćka bratoŭ tłumačyć ich stan prosta: «Syny atrymlivajuć enierhiju ad sonca».
Adnak daktary ŭžo adchilili ideju pra ŭpłyŭ soniečnaha śviatła, adznačajučy, što chłopčyki mohuć ruchacca dniom navat u ciomnym pakoi i padčas daždžu.
