Dziasiatki hrodziencaŭ identyfikavali złodziejaŭ, što vynieśli z kramy žanočyja majtki, i paviedamili ich dadzienyja ŭ milicyju
Hrodzienskuju paru, jakaja nie zapłaciła za aŭtalampački i nižniuju bializnu, dastatkova chutka znajšli, dziakujučy nieabyjakavym haradžanam.
Nahadajem, 24 krasavika kala 12:00 u hipiermarkiecie «Ałmi» na praśpiekcie Kasmanaŭtaŭ u Hrodnie mužčyna i žančyna ździajśniali pakupki. Jany chadzili pa handlovym zale i kłali tavar u košyk. Za častku rečaŭ raspłacilisia, a voś za lampački i majtki vyrašyli hrošaj nie addavać.
Jak raspaviali va UUS Hrodzienskaha abłvykankama, para akazałasia vielmi zamožnaj. U milicyi mužčyna patłumačyŭ, što sam nie viedaje, navošta skraŭ lampački i majtki. Darečy, kali jon ŭciakaŭ ad achovy, to vykinuŭ usio vykradzienaje.
Litaralna praz hadzinu paśla publikacyi videa ŭ internecie ludzi pačali zvanić na milicyju i kazać, što bačyli padobnych hramadzian, a niekatoryja navat paznačyli dakładny adras pražyvańnia pary.
