U Maskvie zatrymali žančynu ŭ chidžabie z adrezanaj hałavoj dziciaci
U Maskvie žančynu zatrymali kala stancyi mietro pa padazreńni ŭ zabojstvie dziciaci, abiezhałoŭlenaje cieła jakoha było vyjaŭlena paśla pažaru ŭ kvatery na paŭnočnym zachadzie horada. Pra heta ahienctvu «Maskva» paviedamiŭ aficyjny pradstaŭnik HSU SK pa Maskvie Julija Ivanova.
«U rajonie mietro «Kastryčnickaje Pole» pa padazreńni ŭ zabojstvie dziciaci zatrymana jahonaja niania», — skazała Ivanova.
Pa dadzienych telekanała RIEN TV, žančyna ŭ chidžabie trymała adrezanuju hałavu dziciaci i pahražała padarvać siabie.
Pažar adbyŭsia ranicaj u paniadziełak, 29 lutaha, u kvatery šmatpaviarchovaha doma na vulicy Narodnaha Apałčeńnia. Pažarnyja likvidavali ŭzharańnie. Byli vyratavany čatyry čałavieki. Znojdzienamu na miescy abiezhałoŭlenamu dziciaci było kala 3—4 hadoŭ, paviedamlaje krynica «Interfaksa».
Pa papiarednich dadzienych, dzicia było zabita, a kvatera padpalena. SK pačaŭ pravierku.
Stała viadoma imia padazravanaj u zabojstvie dziciaci žančyny.
Pra heta paviedamiła krynica ŭ pravaachoŭnych orhanach.
U paviedamleńni havorycca, što joj akazałasia 38-hadovaja Hiulčechra Babakułava, uradženka Samarkandskaj vobłaści Uźbiekistana.
Tym časam mamu abiezhałoŭlenaha dziciaci advieźli ŭ balnicu. Jana taksama hramadzianka adnoj ź dziaržaŭ Siaredniaj Azii.
