Maładaja minčanka kinuła na hrošy tureckaha žanicha
U Minsku zatrymana 23-hadovaja dziaŭčyna za machlarstva ŭ dačynieńni da hramadzianina Turcyi, paviedamiła pres-aficer Leninskaha RUUS stalicy Taćciana Kavalova.
Dziaŭčyna paznajomiłasia z mužčynam na adnym z sajtaŭ. Doŭhi čas jany pierapisvalisia, pakul inšaziemiec nie prapanavaŭ joj vyjści za jaho zamuž i pierajechać u Turcyju.
U kancy studzienia turak pryjechaŭ u Minsk. Para sustrełasia ŭ kafe ŭ centry horada. U čas sustrečy inšaziemiec źviarnuŭ uvahu, što dziaŭčyna vielmi ścipła apranutaja, i prapanavaŭ joj šopinh.
Paśla pakupak mužčyna daŭ niavieście $100 na asabistyja vydatki i skazaŭ, što zdymie joj kvateru na toj čas, pakul jana nie pierajedzie ŭ Turcyju. Adnak dziaŭčyna nastajała na tym, kab jon pieradaŭ joj hrošy, a jana sama vyrašyć usie pytańni. Uziaŭšy ŭ žanicha $ 400, jana źnikła.
Paźniej akazałasia, što zatrymanaja raniej była nieadnarazova sudzimaja za ŭčynieńnie anałahičnych, a taksama majomasnych złačynstvaŭ. U ciapierašni čas u dačynieńni da jaje raspačataja kryminalnaja sprava pa art. 209 (machlarstva) KK.
