Маладая мінчанка кінула на грошы турэцкага жаніха
У Мінску затрымана 23-гадовая дзяўчына за махлярства ў дачыненні да грамадзяніна Турцыі, паведаміла прэс-афіцэр Ленінскага РУУС сталіцы Таццяна Кавалёва.
Дзяўчына пазнаёмілася з мужчынам на адным з сайтаў. Доўгі час яны перапісваліся, пакуль iншаземец не прапанаваў ёй выйсці за яго замуж і пераехаць у Турцыю.
У канцы студзеня турак прыехаў у Мінск. Пара сустрэлася ў кафэ ў цэнтры горада. У час сустрэчы іншаземец звярнуў увагу, што дзяўчына вельмі сціпла апранутая, і прапанаваў ёй шопінг.
Пасля пакупак мужчына даў нявесце $100 на асабістыя выдаткі і сказаў, што здыме ёй кватэру на той час, пакуль яна не пераедзе ў Турцыю. Аднак дзяўчына настаяла на тым, каб ён перадаў ёй грошы, а яна сама вырашыць усе пытанні. Узяўшы ў жаніха $ 400, яна знікла.
Пазней аказалася, што затрыманая раней была неаднаразова судзімая за ўчыненне аналагічных, а таксама маёмасных злачынстваў. У цяперашні час у дачыненні да яе распачатая крымінальная справа па арт. 209 (махлярства) КК.
