U Babrujsku syn zładziŭ «rasprodaž» majomaści maci dziela vypiŭki
Babrujski mižrajonny adździeł Śledčaha kamiteta raspačaŭ kryminalnuju spravu pa fakcie kradziažu (art.205 č.2 KK) u dačynieńni da niepracujučaha, raniej nieadnarazova sudzimaha mužčyny, paviedamili ŭ adździaleńni infarmacyi i hramadskich suviaziej UUS Mahiloŭskaha abłvykankama.
Žychar Babrujska, pražyvajučy ŭ kvatery maci, zładziŭ «rasprodaž» jaje majomaści. Za dva dni «syšli» tachta, muzyčny centr, chaładzilnik, čajny sierviz, kanapa, pled na ahulnuju sumu 8,5 młn rubloŭ. Susiedziam jon tłumačyŭ svajo žadańnie chutka pazbavicca ad majomaści tym, što zadumaŭ zrabić u kvatery ramont.
Atrymanyja hrošy mužčyna prapivaŭ. Spyniŭ dalejšaje spustašeńnie kvatery brat, jaki zazirnuŭ u hości. Jon i paviedamiŭ pra toje, što adbyvajecca, maci, što žyvie pa inšym adrasie. Žančyna napisała na syna zajavu ŭ Śledčy kamitet.
