Z 1 śniežnia zabaroniena ekspłuatacyja aŭtamabilaŭ ź letnimi šynami
U Biełarusi z 1 śniežnia pa 1 sakavika zabaroniena ekspłuatacyja aŭtamabilaŭ ź letnimi šynami, paviedamiŭ staršy inśpiektar arhanizacyjna-analityčnaha ŭpraŭleńnia milicyi hramadskaj biaśpieki MUS Valeryj Łabiak.
«U zimovy pieryjad aŭtamabilisty praktyčna štodzień sutykajucca ź niespryjalnymi ŭmovami nadvorja. Načnyja zamarazki, apadki pry tempieraturach kala nula robiać prajeznuju častku ślizkaj. Štohod nastupstvami rezkaha źnižeńnia tempieratury abo vypadzieńnia śniehu stanoviacca tak zvanyja dni blachara, kali rehistrujecca ŭsplosk drobnych avaryj», - adznačyŭ Valeryj Łabiak.
Pavodle jaho słoŭ, vinavatymi ŭ bolšaści takich zdareńniaŭ stanoviacca vadzicieli aŭtamabilaŭ na letnich šynach. Sprava ŭ tym, što letniaja ryzina stračvaje ełastyčnaść i sčepnyja ŭłaścivaści ŭžo pry tempieraturach kala nula, u vyniku čaho tarmazny šlach pavialičvajecca. Śpiecyjalisty rekamiendujuć stavić zimovuju humu zahadzia, kali siaredniasutačnaja tempieratura dasiahaje 7 hradusaŭ vyšej za nul.
Mienavita tamu ŭ Biełarusi Praviłami darožnaha ruchu ŭviedziena zabarona na vykarystańnie letnich šyn zimoj.
Adroźnić dazvoleny zimoj «aŭtaabutak» možna pa markiroŭcy ŭ vyhladzie hornaj viaršyni z tryma pikami i sa śniažynkaj unutry jaje abo znakaŭ «M+S», «M&S», «M.S», «M S» abo «All seasons». Vyšynia malunka pratektara zimovych šyn pavinna być nie mienš jak 4 mm.
Z 1 śniežnia za ekspłuatacyju aŭtamabila ź letnimi šynami budzie spahaniacca štraf.
