Videa vienhierskaha dalnabojščyka, aburanaha pavodzinami mihrantaŭ la tunelu pad Ła-Manšam, stała chitom Jutuba
Aburany vienhierski kiroŭca hruzavika źniaŭ i apublikavaŭ videa, dzie jon sprabuje na chutkaści razahnać svaim hruzavikom patok mihrantaŭ kala francuzskaha Kale.
Na videaroliku «Emihranty Kale suprać kiroŭcaŭ i Jeŭropy», praciahłaściu bolš za 14 chvilin, jość frahmient, dzie kiroŭca ruchajecca ź miesca i naŭmysna razhaniajecca ŭ bok hrupy mihrantaŭ, jakija iduć pa abočynie ŭ zvarotnym nakirunku. Pry hetym sami mihranty nastrojeny ahresiŭna i kidajuć u hruzaviki tym, što traplaje im pad ruku.
U toj ža čas vidać, što mihranty chodziać pa šašy z metaj začapicca za hruzaviki, kali tyja prajazdžajuć na nizkaj chutkaści, imavierna, kab zabracca ŭnutr i takim čynam niezaŭvažna pierasiekčy miažu ź Vialikabrytanijaj praz tunel pad Ła-Manšam.
U kancy aŭtar źniaŭ i samoha siabie.
Pavodle apisańnia da videa, jano było źniataje dniom 25 listapada na šašy A216/N216, jakaja prachodzić u Kale.
Na momant publikacyi hetaj naviny videa mieła bolš za 1,7 miljona prahladaŭ.