U Pieciarburhu zrobiać Pucina z šakaładu FOTAFAKT
Na «Śviacie šakaładu» ŭ Sankt-Pieciarburhu źjavicca šakaładnaja statuja prezidenta RF Uładzimira Pucina. Paviedamleńnie pra heta źjaviłasia na staroncy mierapryjemstva «Ukantakcie» ŭ sieradu, 25 listapada.
«Na Śviacie šakaładu źjavicca, mabyć, samaja viadomaja asoba na płaniecie, čałaviek, jaki ŭžo niekalki razoŭ zajmaŭ pieršaje miesca ŭ śpisie Forbes i jakoha my ŭsie vielmi dobra viedajem. Praŭda, nie ułasnaj piersonaj, a ŭ vyhladzie šakaładnaj skulptury ŭ poŭny rost», — havorycca ŭ paviedamleńni mierapryjemstvy.
Šakaładnaja skulptura Uładzimira Pucina, vyšynioj kala 170 santymietraŭ, budzie składacca z 70 kiłahram čystaha šakaładu.
Arhanizatary mierapryjemstva płanujuć padać zajaŭku na ŭniasieńnie šakaładnaj skulptury ŭ knihu rekordaŭ Hiniesa, paviedamlajecca na staroncy «Śviata šakaładu».
«Śviata šakaładu» projdzie 5 i 6 śniežnia ŭ Sankt-Pieciarburhu.