Kłuby Minska: na luby hust i biudžet
Studenty chodziać u adny kłuby, menedžary i prahramisty — u inšyja, a ŭ zamiežnikaŭ jość svoj śpis miescaŭ. My sabrali infarmacyju pra kłuby ŭ Minsku, kab vy zmahli abrać toj, jaki vam bolš padychodzić.
1. Chulihan (vuł. Kastryčnickaja, 16)
Miesca tusovak prahresiŭnaj moładzi. Ciapier viečaryny prachodziać u vialikim pamiaškańni CECHu, tamu miesca chopić dla usich. Choć «Chulihan» i maje status baru, tam zaŭsiody hučyć muzyka, a moładź tančyć. Siońnia vulica Kastryčnickaja źjaŭlajecca adnym z samych papularnych miescaŭ dla moładzi, tamu ŭ «Chulihanie» zaŭsiody šmat ludziej. Na kožnych viečarynach jość kaktejli ci napoi na źnižkach. Na bolšaści mierapryjemstvach uvachod volny.
Fota poshyk.info
2. Placoŭka-choł (Kastryčnickaja płošča, 1)
Adnosna novaje miesca, jakoje pryjšło na źmienu kłubu «Centr». Jany jašče tolki pačynajuć pracavać, ale ŭžo pa subotach Andruś Takindanh pravodzić «Vyšyvanka-paci». U kłubie abiacajuć całkam biełaruskamoŭnaje absłuhoŭvańnie i akreśleny nacyjanalny styl. Ceny na ježu i ałkaholnyja napoi siarednija dla Minsku. Uvachod vam abydziecca nie bolš za 100 tysiač albo ŭvohule biaspłatna.
Fota sputnik.by.
3. Kłub «NŁA» (vuł. Jakuba Kołasa, 37)
Adna samych vialikich pa płoščy kłubnych placovak. Šmat viečarynaŭ dla studentaŭ, amal štodzień tematyčnyja viečaryny. Pryjarytetna hraje papularnaja zamiežnaja kłubnaja muzyka. Zamović stoł budzie kaštavać niedzie 300 000, chłapcam uvachod ad 50 000, a dziaŭčatam da hadziny nočy možna patrapić biaspłatna na bolšaść viečarynaŭ.
Fota nlo.by
4. Kłub «Tytan» (pr-t Dziaržynskaha, 104)
Kłub kala stancyi mietro «Piatroŭščyna» i studenckaj vioski. Znoŭ-taki heta miesca praviadzieńnia studenckich viečaryn, pry hetym na viečarynach jany źbirajuć dastatkova ludziej. Naviedavalniki śćviardžajuć, što ŭ kłubie davoli vysokija ceny. Dla chłapcoŭ uvachod zvyčajna kaštuje kala 120 tysiač, žančynam 100, ale da 12-ci nočy ŭvachod biaspłatny.
Fota titanminsk.by
5. «Džek-kłab» (vuł. Niamiha, 12)
Kłub mieścicca pobač z «MakDonaldsam» na Niamizie. «Džek-kłab» zajmaje padvalnaje pamiaškańnie, ale heta nie psuje ŭražańnia. Zvyčajny kłub, jaki słavicca žyvoj muzykaj, futbolnymi tranślacyjami i ŭtulnaj atmaśfieraj. Kancerty «Niejra Dziubiela» prachodziać tam na ŭra. Što tyčycca kłubnaj muzyki, to ŭsio jak u zvyčajnym kłubie. Składaje ŭražańnie bolš rok-kłuba, čym papsovaha.
Fota jackclub.restoran.360.by.
6. «Hrafici» (zav. Kalinina, 16)
Palina Respublika, RSP, Alaksandr Saładucha, Dzieciuki — heta mały śpis hurtoŭ, jakija vystupali tam. Sapraŭdnaje biełaruskaje miesca, bo mienavita tam našyja andehraŭndnyja zorki dajuć vystupy. Časta tam byvajuć akustyčnyja kancerty pry aptymalnych cenach na bilety. Kali chočacie pryjści pasłuchać biełaruskuju muzyku ci patančyć ź siabrami pad tych ža «dziubielaŭ» — hetaje miesca dla vas. Uvachod zvyčajna biaspłatny. Byvaje, što płatny, ale tady nie bolš za 100 tysiač.
Fota graffiti.by
7. Błekchoł-bar (vuł. Kisialova, 12)
3 hady tamu, kali bar tolki adčyniaŭsia, uvieś bajnet abmiarkoŭvaŭ styl, u jakim byŭ vykanany «Błekchoł». Siońnia bar pieražyvaje nie najlepšyja časy, bo hrošaj było zraschodavana šmat, a z-za vysokich cenaŭ ludzi nieachvotna chadzili patusić tudy. Tut možna sustreć biełaruskich šoŭ-biznesoŭcaŭ, pryjści na kancert rasijskich pop-śpiavakoŭ. Tut vystupajuć tolki darahija zorki, tamu kali pojdziecie, rychtujcie svaje hamancy. Kvitki mohuć kaštavać až ceły miljon.
Fota dream-land.by.
8. Rok-kłub «TNT» (vuł. Revalucyjnaja, 9)
TNT choć i rok-kłub, ale tolki rokier z zarobkam u 1000 dołaraŭ moža tudy pryjści. Usio vytrymana ŭ rok-styli, u centry horada, rok-atmaśfiera. Ale doraha. Viadoma, vy možacie ŭziać niekalki pivaŭ za viečar i pasłuchać lubimy AC/DC, ale ci tak adpačyvajuć sapraŭdnyja rokiery? Sam kłub niečym nahadvaje Hard Rock Cafe. Časam tam prachodziać i kancerty biełaruskich alternatyŭnych muzykaŭ. Kali chočacie całkam akunucca ŭ atmaśfieru roka — vam tudy. I nie zabudźciesia pašpart, bo tam jaho zaŭsiody praviarajuć.
Fota whereminsk.by.
9. Kłub «Re:Public» (vuł. Prytyckaha, 62)
Kłub, jaki znakamity svaimi poŭnymi załami. U hetym kłubie štoraz vystupaje hurt Akute, śviatkuje jubilei «Niejra Dziubiel», a fanataŭ brytanskaha hurtu Enter Shikari sabrałosia stolki, što na kancercie nie było čym dychać. Kancerty i viečaryny tut prachodziać amal štodzień. Pakolki kłub znachodzicca ŭ pamiaškańni byłoha kinateatra, to huk tut zalikovy. Siudy lepiej prychodzić z kampanijaj, kab adarvacca razam ź siabrami. Siaredniaja cana kvitka na kancert — 100 000.
Fota budzma.by
10. Kłub «Dozari» (pr-t Niezaležnaści, 58)
Samy papularny kłub siarod zamiežnikaŭ. Tut našyja biełaruskija dziaŭčaty pieraŭtvarajucca ŭ fiejaŭ, a na ich piaščotnyja vočy paviadziecca luby. Pry hetym heta adzin z samych darahich kłubaŭ Minska. Tudy chodziać pa znajomstvy, bo tam mužčyny majuć vialiki šaniec. Chłapcam kvitok budzie kaštavać 100—200 tysiač, a dziaŭčatam na bolšaść mierapryjemstvaŭ uvachod volny.
Fota restaurants.by.
11. Kłub «Blondes and brunettes» (vuł. Kamsamolskaja, 38)
Błandynki i brunetki z samaha adkryćcia abzavialisia skandałam — z mužčynskaj prybiralni možna było nazirać za dziaŭčatami ŭ žanočaj prybiralni. Siońnia tut šmat prachodzić zakrytych viečarynaŭ. Tut apošni raz adpačyvaŭ Džared Leta, salist hurtu 30 Second to Mars. Taksama tut vielmi strohi dres-kod i ceny premium-kłasa. Miesca tusoŭki biznesoŭcaŭ i śvieckich ludziej. Kali vy dastatkova bahaty čałaviek, to možacie pasprabavać tudy trapić.
Fota kyky.org.
12. Kłub «Madison Royal Club» (vuł. Cimirazieva, 9)
Kłub znachodzicca pobač z HC «Karona» na st.m. «Maładziožnaja». Zvyčajna tut prachodziać studenckija viečaryny, adnak časta ładziacca i svaje. Pamiaškańnie nievialikaje, jak i tancpoł, tamu pryjdziecca ŭvieś čas cisnucca. Interjer vykanany ŭ darahim styli, choć kłub i nie maje status premium-kłasa. Ceny siarednija pa Minsku.
Fota priehali.by
13. Kłub «Juła» (vuł. Surhanava, 26)
Kožnuju piatnicu tut prachodziać retra-viečaryny, jakija jość i ŭ šmat jakich inšych kłubach. Tut možna i pajeści i vypić, pa ranicach tut navat śniadanki jość. Što tyčycca cenaŭ, to dziaŭčyny mohuć prajści biaspłatna da 24:00. Paśla ž pryjdziecca zapłacić, jak i chłapcam — 120 tysiač. Pasuje dla taho, kab prosta adpačyć siabrami, a paśla patančyć pad staryja chity.
Fota websmi.by
14. Prime Hall (pr-t Pieramožcaŭ, 65)
Mienavita tut daŭ svoj pieršy kancert hurt Trubetskoy. Tady narodu sabrałosia niamała, što, u pryncypie, tyčycca i inšych kancertaŭ u hetym kłubie. Dastatkova vialikaje pamiaškańnie dazvalaje pravodzić kancerty znakamitych hurtoŭ. Voś i zaraz (praŭda, kancert pieraniesieny na nastupny hod) pryjedzie ŭkrainski hurt Onuka, jaki hraje ŭ žanry elektra-fołk. Pamiaškańnie adnosna novaje, akustyka dobraja, tamu i za kvitki na svaich lubimych hurtoŭ pryjdziecca addać šmat, navat i miljon.
Fota korona.by
* * *
U Minsku dosyć kłubaŭ na luby hust i nastroj. A ŭ jakija kłuby chodzicie vy?
