Jašče adnaho biełarusa ŭznaharodziać va Ukrainie paśmiarotna
Jašče adnaho našaha ziemlaka ŭznaharodziać va Ukrainie paśmiarotna. Heta biełaruski hramadzianin Siarhiej Varanoŭski, jaki žyŭ u vioscy Čarleniŭka Navasielickaha rajonu, što na Bukavinie. Sioleta jon pamior ad ranaŭ, jakija atrymaŭ na Majdanie ŭ lutym 2014 hoda.
Siarhiej Varanoŭski pierajechaŭ va Ukrainu jašče ŭ 1991 hodzie. Pabraŭsia šlubam, u jakim naradziłasia dvoje dzietak, atabaryŭsia ŭ vioscy Čarleniŭka, uładkavaŭsia elektrahazazvarščykam na tamtejšaj cahielni.
Paśla taho, jak «Bierkut» źbiŭ na kijeŭskim Majdanie niezaležnaści studentaŭ, Siarhiej Varanoŭski z adnaviaskoŭcami vypraviŭsia ŭ Kijeŭ. Padčas trahičnych padziejaŭ u lutym 2014 hoda jon byŭ ciažka paranieny. Niahledziačy na ŭsie namahańni daktaroŭ, naš ziamlak pamior 19 sakavika 2015 hoda.
Miascovaja administracyja chadajničała pra ŭznaharodžańnie biełarusa «Ordenam Niabiesnaj sotni», jaki i byŭ zasnavany ŭ honar hierojaŭ, što zahinuli padčas lutaŭskich padziejaŭ 2014 hoda. Heta adna ź niešmatlikich dziaržaŭnych uznaharodaŭ Ukrainy, jakoj možna ŭhanaravać inšaziemcaŭ.
Pra ŭznaharodu Siarhieja Varanoŭskaha aficyjna paviedamiŭ staršynia Čarnavickaj Abłasnoj dziaržaŭnaj administracyi padčas bryfinhu.
