Nacbank: Uładalnikam zvyčajnych zarpłatnych kartak padachodny padatak płacić nie daviadziecca
Uładalnikam zvyčajnych zarpłatnych kartak padachodny padatak płacić nie daviadziecca, skazaŭ 12 listapada na pres-kanfierencyi pieršy namieśnik staršyni praŭleńnia Nacyjanalnaha banka Taras Nadolny.
«Što da kartak, to dekretam № 7 praduhledžana norma, što pad padatkaabkładańnie padpadajuć tolki tyja ŭkłady, staŭka pa jakich pieravyšaje staŭku da zapatrabavańnia. Siońnia Nacyjanalny bank daviadzie bankam rekamiendacyju pa aryjencirach pa pracentnaj staŭcy da zapatrabavańnia. Hetyja staŭki składuć prykładna 3% pa biełaruskich rublach i 0,2% pa zamiežnaj valucie. Heta značyć faktyčna zarpłatnyja prajekty, pa jakich staŭka da zapatrabavańnia vielmi nizkaja, hetyja kartki nie nosiać aščadny charaktar i jany nie traplajuć pad padatkaabkładańnie», — rastłumačyŭ Taras Nadolny.
«Kali ž pryroda ŭkładu praduhledžvaje vykanańnie funkcyj źbieražeńnia, heta značyć prysutničaje doŭhi termin i staŭka vyšejšaja za staŭku da zapatrabavańnia, to ŭ hetym vypadku jany traplajuć pad padatkaabkładańnie», — dadaŭ pieršy namieśnik staršyni praŭleńnia Nacbanka.