Łaŭreatam premii Jadkoŭskaha staŭ Andrej Vaškievič. Hrošy jon addaŭ na dabračynnaść
U hetym hodzie hrodzienskija historyki zafundavali Premiju sa svaich ułasnych srodkaŭ.
Štohadovaje ŭručeńnie premii adbyłosia 8 listapada ŭ art-haleryi «Kryha» ŭ miežach hramadskaha śviatkavańnia Dzion śviatoha Hubierta ŭ Hrodnie. Uznaharodu ŭ 2015 hodzie atrymaŭ Andrej Vaškievič. Uručaŭ jaje pieramožcu słavuty haradzienski krajaznaŭca i nastaŭnik Aleś Hościeŭ — čałaviek, dziakujučy jakomu Andrej i staŭ historykam.
Finansavuju častku premii Vaškievič pieradaŭ dabračynnym arhanizacyjam Hrodna, jakija pracujuć ź dziećmi.
Spyniacca na hetaj uznaharodzie Andrej nie źbirajecca i płanuje dalej vyvučać historyju Hrodna.
Heta ŭžo čaćviortaje ŭručeńnie premii imia Jadkoŭskaha, jakuju zasnavali ŭ 2012 hodzie. Papiarednija jaje łaŭreaty: Aleś Hościeŭ, Taćciana Kasataja, Viktar Sajapin i Fiodar Ihnatovič.
U hetym hodzie da dypłomu dadaŭsia jašče i admysłovy miedal. Jaho pakul atrymali tolki Vaškievič i Hościeŭ, dla inšych papiarednich łaŭreataŭ miedali vyrabiać nieŭzabavie.
Uznaharoda imia Jadkoŭskaha ŭručajecca za značny ŭniosak u papularyzacyju haradzienskaj minuŭščyny, zachavańnie pryrodnaj i historyka-kulturnaj samabytnaści horada i rehijona, aktyŭnuju hramadzianskuju pazicyju i pryncypovaść.
