U Rasii pryčynaj katastrofy A321 nazvali «zdradu jehipieckich śpiecsłužbaŭ»
Rasijskija ŭłady nie vyklučajuć, što katastrofa samalota A321 na Sinajskim paŭvostravie stała nastupstvam «zdrady jehipieckich śpiecsłužbaŭ».
Pra heta haziecie «Kommiersant» raspaviali krynicy ŭ dziaržaŭnych strukturach.
«Što b ni zdaryłasia, heta ich vialiki pravał», — zajaviŭ surazmoŭca haziety. U pryvatnaści, pavodle źviestak krynicy, śledčyja praviarajuć infarmacyju pra toje, što da borta Airbus A321 da ŭźlotu ź nieviadomych pryčyn byli dapuščanyja staronnija asoby.
Raniej mižnarodnyja infarmacyjnyja ahienctvy sa spasyłkaj na supracoŭnikaŭ słužby biaśpieki aeraporta Šarm-el-Šejch paviedamlali, što parušeńni režymu biaśpieki tam nasili sistematyčny charaktar. U pryvatnaści, surazmoŭcy adznačali, što časta nie pracujuć skaniery ŭ zonach, dzie ahladajecca ŭžo zarehistravany bahaž. Ich vyklučali dla ekanomii elektraenierhii.
U cełym rasijskija ŚMI rezka źmienšyli kolkaść publikacyj pra katastrofu paśla taho, jak stała vyśviatlacca, što heta terakt. Imavierna, Maskva baicca, što infarmacyja pra terakt moža padarvać u hramadstvie padtrymku vajennaj apieracyi Rasii ŭ Siryi.