Pamior hramadski aktyvist Uładzimir Kiškurna
77-hadovy Uładzimir Kiškurna raźbiŭsia na svaim aŭtamabili, urezaŭšysia ŭ hruzavik na trasie Bieraście—Miensk.
Zdareńnie adbyłosia 2 vieraśnia. Miarkujecca, što jamu stała kiepska za rulom — dva hady nazad jon pieranios infarkt.
Jaho dastavili ŭ balnicu ŭ krytyčna ciažkim stanie.
Pra jahonuju śmierć paviedamiŭ Barys Harecki ŭ fejsbuku.
Fota z fejsbuka Franciška Viačorki.
Jak paviedamiŭ «Našaj Nivie» režysior Valeryj Mazynski, Uładzimir Kiškurna nakiroŭvaŭsia ź Minska na adpačynak u adzin z sanatoryjaŭ Bresckaj vobłaści.
Zdareńnie adbyłosia na trasie M-1 pobač ź vioskaj Niachačava. «Nisan», jakim kiravaŭ Kiškurna, sutyknuŭsia z MAZam. U vyniku kiroŭca lehkavika byŭ zacisnuty ŭ sałonie aŭtamabila. Jak paviedamlaje sajt MNS, ratavalniki pry dapamozie hidraŭličnaha instrumienta, kiroŭca byŭ debłakavany.
Tranpartavańnie paciarpiełaha ŭ Minsk było niemahčymaje.
Uładzimir Kiškurna — inžynier, daŭni ŭdzielnik patryjatyčnaha ruchu.
Jon doŭhi čas byŭ aktyvistam Partyi BNF. Apošnim časam udzielničaŭ u tałokach u Kurapatach, dapamahaŭ uparadkvać uročyšča, staviŭ kryžy. Letaś byŭ zajaŭnikam šeścia ŭ nacyjanalnych strojach, jakoje nie dazvolili minskija ŭłady.