Biełarusbank viarnuŭ kredyty na kuplu žylla na druhasnym rynku
Ale kab uziać kredyt, treba zarablać 56 młn u miesiac
Z 1 vieraśnia 2015 hoda AAT «ASB Biełarusbank» znoŭ pačało vydavać kredyty na nabyćcio žyłych pamiaškańniaŭ na druhasnym rynku nieruchomaści, paviedamlaje pres-słužba banka.
Kredyt vydajecca ŭ biełaruskich rublach na termin da 15 hadoŭ pad 32% hadavych. Bank hatovy prafinansavać da 75% koštu žylla.
Jak paviedamili ŭ kantakt-centry Biełarusbanka, dla taho kab uziać kredyt na sumu 50 tysiač dalaraŭ (kala 875 młn rubloŭ), nieabchodna zarablać prykładna 56 miljonaŭ rubloŭ u miesiac.
Pamier štomiesiačnaha płaciažu składzie 28.200.000.
«Našy raźliki prykładnyja. Bolš padrabiazna — u adździele kredytavańnia. Darečy, sukupny dachod členaŭ siamji abo paručycielaŭ nie ŭličvajecca. Tolki vašy ŭłasnyja dachody», — adznačyła śpiecyjalist.
Pracenty pa kredycie vypłačvajucca z nastupnaha miesiaca paśla pradastaŭleńnia. Raźlik pracentaŭ ažyćciaŭlajecca na faktyčnuju reštu asnoŭnaha doŭhu.
Dla atrymańnia kredytu taksama spatrebicca prynieści pakiet dakumientaŭ, siarod jakich abaviazkova pavinna być damova kupli-prodažu žylla. Akramia taho, zabiaśpiečyć kredyt pryjdziecca paručycielstvam.
Miesiac tamu Biełarusbank źniziŭ pracentnyja staŭki pa kredytnych dahavorach na finansavańnie nieruchomaści da 32% hadavych.
