FK «Urał»: Hančarenka adsutničaje ŭ raźmiaščeńni kłuba z pryčyn asabistaha charaktaru
U matčy čempijanatu Rasii suprać hroźnienskaha «Cieraka» 28 žniŭnia kiravać «Urałam» zamiest Viktara Hančarenki budzie Juryj Maćviejeŭ, jaki ŭvachodzić u štab biełaruskaha śpiecyjalista, paviedamiła ŭ čaćvier pres-słužba jekaciarynburhskaha kłuba.
«Sam Viktar Michajłavič, jaki zastajecca ŭ dadzieny momant hałoŭnym trenieram uralskaj kamandy, z pryčyn asabistaha charaktaru adsutničaje ŭ raźmiaščeńni kłuba», — śćviardžajecca ŭ relizie. «Urał» «pa-raniejšamu raźličvaje na Viktara Hančarenku jak na hałoŭnaha treniera kamandy i vystupaje rezka suprać śpiekulacyj u šerahu ŚMI pra pryčyny jaho časovaj adsutnasci ŭ Jekaciarynburhu».
Hančarenka viarnuŭsia ŭ Minsk 25 žniŭnia. Pavodle źviestak rasijskich ŚMI, trenier padaŭ zajavu ab sychodzie ŭ suviazi z mahčymym dahavornym charaktaram matču «Urał» — «Cierak». Pakul Hančarenka zachoŭvaje maŭčańnie.
