Lidar «Troicy» prezientuje na feście «Kamianica» etnahrafičnuju misteryju
5 vieraśnia ŭ miežach fołk-fiestyvalu «Kamianica» Ivan Kirčuk prezientuje novy monaśpiektakl «Spoviedź pad strechami», jaki dazvolić dzieciam i darosłym pieranieścisia na mašynie času ŭ minułaje i zazirnuć u pobyt našych prodkaŭ.
U pastanoŭcy lidar «Troicy» skarystaje bahaty instrumientaryj: ad tradycyjnych masak da aryhinalnaj batlejki, ad realnych muzyčnych instrumientaŭ (žalejki, akarynaŭ, dudak, liry, huślaŭ) da pobytavych ich zamianialnikaŭ kštałtu «padkovafona» dy «čyhunkoŭ». Ivan Ivanavič budzie śpiavać, hrać i raspaviadać. Śpiektakl stvorany im pavodle etnahrafičnych ekśpiedycyj i archiŭnych daśledavańniaŭ.
— Heta etnahrafičnaja misteryja, – ličyć Ivan Kirčuk. – Ja pakažu toje, što kaliści adbyvałasia ŭ damach, jakija stajać na terytoryi muzieju narodnaj architektury i pobytu. U ich stahodździami žyli ludzi. Biez telebačańnia, haziet i radyjo, biez elektryčnaści. Heta było ciažkaje žyćcio, sialanie vielmi šmat pracavali, ale jany taksama mieli svaje radaści i zabavy, pra jakija bolšaść z nas zaraz ničoha nie viedaje.
Praciahłaść monaśpiektakla «Spoviedź pad strechami» składaje prykładna 45 chvilin. Jon budzie pakazany try razy za dzień u adnym z budynkaŭ na terytoryi muzieja. Paralelna na fiestyvali buduć pracavać dźvie muzyčnyje sceny i vialiki kirmaš nacyjanalnaj kultury.
Užo viadoma, što na hałoŭnaj scenie «Kamianicy 2015» vystupiać Trad Attack! (Estonija), Dzikie Jablka (Polšča), «Drimba Da Dziha» (Ukraina), a taksama biełaruskija hurty «Stary Olsa», Vuraj, «Jahorava hara», «Altanka», Znich. Fiestyval dapamahaje muzieju zachoŭvać najvialikšuju ŭ Biełarusi kalekcyju draŭlanaj architektury. Mierapryjemstva adbudziecca pra padtrymcy AAT «Bank BiełVEB».
Kvitki na fiestyval užo možna nabyć praz sajt i kasy apieratara ByCard. Košt darosłaha kvitka 100 tys. rub., školniki da 12 hod – 50 tys. rub. Daškolniki, a taksama naviedvalniki ŭ poŭnym varyjancie nacyjanalnaha stroju (ad hałaŭnoha ŭbora da abutku) prachodziać biaspłatna. Čas praviadzieńnia fiestyvalu – z 12.00 da 22.00. Infalinija: (044) 517 08 12.
