Milicyja piarojdzie na ŭzmocnieny varyjant niasieńnia słužby z 5 pa 12 kastryčnika
Milicyja i ŭnutranyja vojski MUS piarojduć na ŭzmocnieny varyjant niasieńnia słužby z 5 pa 12 kastryčnika ŭ suviazi z vybarami prezidenta Biełarusi.
Ab hetym paviedamiŭ siońnia žurnalistam načalnik upraŭleńnia achovy pravaparadku hałoŭnaha ŭpraŭleńnia achovy pravaparadku i prafiłaktyki milicyi hramadskaj biaśpieki Ministerstva ŭnutranych spraŭ Dźmitryj Kurjan.
Pradstaŭnik MUS udakładniŭ, što ŭsie ŭčastki dla hałasavańnia buduć uziaty pad kruhłasutačnuju achovu z momantu pastupleńnia biuleteniaŭ, heta značyć z 5 kastryčnika. Taksama z 5 pa 12 kastryčnika budzie arhanizavana kruhłasutačnaja rabota apieratyŭna-situacyjnaha štaba MUS. Pry hetym uzmocnieny režym niasieńnia słužby budzie źviazany nie tolki z adpaviednaj rabotaj na vybarčych učastkach, ale i ŭ cełym z uzmacnieńniem achovy hramadskaha paradku.
«Ciapier faktaraŭ, jakija mohuć akazać niehatyŭny ŭpłyŭ na pieradvybarnuju kampaniju, nie bačycca», - dadaŭ pradstaŭnik orhanaŭ unutranych spraŭ. Akramia taho, Dźmitryj Kurjan adznačyŭ, što, kali budzie nieabchodna, milicyja budzie prymianiać fizičnuju siłu i śpiecsrodki ŭ strohaj adpaviednaści z zakanadaŭstvam.
Akramia milicyi va ŭzmocnienym režymie buduć pracavać i padraździaleńni MNS.