Iron Maiden vypuścili pieršuju za piać hod pieśniu VIDEA
A zaadno i pieršy za piać hod klip.
Brytanskija zorki chevi-mietału Iron Maiden vypuścili samotnik «Speed of Light» i pradstavili klip na zahałoŭnuju pieśniu.
U klipie talisman hurtu, monstr Edzi traplaje ŭ śviet videahulniaŭ. Raniej jon traplaŭ u videahulniu ŭ realnym śviecie: u 1999 hodzie z nahody ŭźjadnańnia Iron Maiden i vakalista Brusa Dykinsana vyjšła «stralałka» Ed Hunter, hałoŭnym hierojem jakoj byŭ Edzi.
Novaja pieśnia ŭ Iron Maiden źjaviłasia ŭpieršyniu za piać hod. Apošni na siońnia albom hurtu, «The Final Frontier», vyjšaŭ u žniŭni 2010 hoda. «Speed of Light» uvajdzie ŭ novy albom, «The Book of Souls», jaki maje vyjści 4 vieraśnia.
Novy albom stanie samym doŭhim u historyi hurtu, 92 chviliny, i pieršym dvajnym. Hurt praciahnie schilacca ad kłasičnaha chevi da prahresiv-mietału. Čatyry z adzinaccaci piesień płytki pieršapačatkova pryznačalisia dla solnaha albomu Dykinsana.
U lutym Brus Dykinsan zavieršyŭ siamitydniovy kurs lekavańnia ad rakavaj puchliny na nižnim boku jazyka. Paśla lekavańnia stan zdaroŭja Dykinsana dobry, ale hurt daść tur u padtrymku alboma tolki ŭ 2016 hodzie, kali vakalist całkam apravicca paśla apieracyi.