Mer italjanskaj vioski zabaraniŭ žycharam pamirać
Mer italjanskaj vioski Sielija David Cykineła zabaraniŭ žycharam pamirać, paviedamlaje La Stampa.
Čynoŭnik pajšoŭ na taki krok u ramkach baraćby sa skaračeńniem kolkaści nasielnictva. Miascovyja ŭłady majuć namier štrafavać tych, chto niedastatkova dobra kłapocicca pra svajo zdaroŭje.
Sielija — heta siaredniaviečnaja vioska ŭ Kałabryi, jaje viedajuć pa ruinach zamka i aliŭkavym alei, havorycca ŭ artykule. Zakon ab «zabaronie na śmierć» dziejničaje tam z 5 žniŭnia.
U Sielii pražyvajuć kala 500 čałaviek, pryčym bolš za 60% nasielnictva starejšyja za 65 hadoŭ. Za apošnija 15 hadoŭ vioska straciła amal treć svaich žycharoŭ.
Ułady Sielii zaklikajuć žycharoŭ sačyć za svaim zdaroŭjem i vykarystoŭvać roznyja vidy miedycynskaj dapamohi, jakija prapanuje municypalitet, dadaje Il Quotidiano.
