Biełaruskaje TB piarojdzie na farmat 16:9
Nieŭzabavie viaščańnie ŭ Biełarusi piarojdzie na bolš zručny farmat — 16:9, jaki adpaviadaje ciapierašnim pryładam. Pra heta siońnia paviedamiŭ pieršy namieśnik ministra suviazi i infarmatyzacyi Dźmitryj Šadko padčas anłajn-kanfierencyi na sajcie Biełteleradyjokampanii.
«Sapraŭdy, farmat 16:9 bolš sučasny, u jakim telebačańniu bolš kamfortna pracavać, atrymlivajecca bolš jakasny pradukt, jaki adpaviadaje sučasnym pryładam. Siońnia ŭ nas jość aficyjnaje daručeńnie ŭrada sumiesna z telekampanijami da kanca hoda adpracavać pytańnie sinchronnaha pierachodu. U Biełarusi jość niekalki kampanij, jakija ažyćciaŭlajuć asnoŭnaje viaščańnie, pažadana, kab jany heta zrabili adnačasova, inakš paŭstanuć peŭnyja techničnyja składanaści. U pryncypie hetaje pytańnie ŭ pracesie rašeńnia», — adznačyŭ Dźmitryj Šadko.
Jon taksama padkreśliŭ, što admova ad anałahavaha viaščańnia prajšła svoječasova i spakojna. Šyrokaekranny farmat 16:9 vykarystoŭvajecca ŭ telebačańni vysokaj vyraznaści (HDTV) i pry ličbavym viaščańni telebačańnia standartnaj vyraznaści. Źjaŭlajecca standartnymi suadnosinami bakoŭ ekrana ŭ televizarach z šyrokim ekranam i najbolš raspaŭsiudžanym u sučasnych kampjutarnych manitorach.
