Aryštavany biełaruski ŭdzielnik «Doma-2» 

28-hadovy ŭradženiec Smarhoni, były ŭdzielnik rasijskaha teleprajekta «Dom-2» Siarhiej Sičkar trapiŭ za kraty.

«U dačynieńni da hetaha hramadzianina zaviedzienaja kryminalnaja sprava, źviazanaja z kradziažom majomaści», — cytuje «Kamsamolskaja praŭda» Alaksandra Hierasimava, aficyjnaha pradstaŭnika ŭpraŭleńnia Śledčaha kamiteta pa Minsku. Znajomy padazravanaha kaža, što sprava źviazanaja z aŭtamabilami.

Siarhiej Sičkar skončyŭ jurydyčny fakultet BDU, a paśla pajechaŭ skarać Maskvu. Na teleprajekcie «Dom-2» biełarus vyjhraŭ aŭtamabil u konkursie «Čałaviek Hoda». Paśla sychodu z prajekta staŭ viadučym i šoŭmienam.

Za kradziež praduhledžvajecca pakarańnie da troch hadoŭ pazbaŭleńnia voli.

0

0

0

0

0

0