Minčuki raskuplajuć ziamielnyja nadzieły ŭ vobłaści — adlehłaść u 60 km nikoha nie pałochaje
Ziamielnyja nadzieły ŭ Minskaj vobłaści karystajucca popytam siarod žycharoŭ Minska. Jak raspavioŭ načalnik ziemleŭparadkavalnaj słužby Minskaha abłvykankama Viktar Manievič, prodaž ziamielnych nadziełaŭ praz tarhi — adzin z samych efiektyŭnych sposabaŭ raźmierkavańnia ziamielnych resursaŭ siarod nasielnictva.
Jak adznačyŭ staršynia Staŭbcoŭskaha rajonnaha Savieta deputataŭ Arkadź Kaziakoŭski, da ich pryjazdžaje šmat minčan. Jak pakazvaje praktyka, adzin z šaści advažvajecca na kuplu. Adlehłaść u 60 km nikoha nie pałochaje. Tym bolš što, pavodle acenak śpiecyjalistaŭ, ziamla budzie tolki daražeć. Pry hetym, kali ŭ Minskim rajonie ceny zaškalvajuć (kala Zasłaŭskaha vadaschovišča 10—15 sotak kaštujuć ad niekalkich socień miljonaŭ rub. da 1 młrd rub.), to 25 sotak u vioscy ŭ Staŭbcoŭskim rajonie vystaŭlajucca na aŭkcyjon za 14 młn rub.
— Infarmacyja ab praviadzieńni aŭkcyjonaŭ raźmieščana na sajtach abłvykankama i rajonnych vykanaŭčych kamitetaŭ, — raspavioŭ V. Manievič. — Bolš za padrabiaznyja źviestki pra miescaznachodžańnie ziamielnych nadziełaŭ, najaŭnaść infrastruktury možna atrymać u sielsavietach.
Darečy, budaŭnictva žyłoha doma pavinna być zavieršana na praciahu troch hadoŭ z dnia pakupki nadzieła. Adnak hety termin moža być pradoŭžany, dapuskajecca zakansiervavać niezavieršanaje budaŭnictva žyłoha doma.
Nahadajem, usiaho na Minščynie bolš za 8 tys. svabodnych ziamielnych učastkaŭ.
